酷我-北美枫

[主持]

短篇评弹脚本《奇双会》系根据剧作者小戏剧本《狭路相逢》改编而成。


故事发生地点：北美某大公司技术部门主管办公室内外
时间：高科技行业“泡沫”破裂期间


主要人物：

由成，英文名字是杰夫，中年，北美某公司技术部门主管
吴伟，英文名字是约翰，中年，前来应聘的待业人士。吴太太秦岭即是由成在国内时的初恋情人

演出时建议上手起由成脚色，下手起吴伟脚色。


（说表）短篇奇双会里向两格脚色狭路相逢格辰光发生勒浪高科技泡沫破裂格时期。大家还记得弗记得？格格当口真是惨啊，华尔街股市哀鸿遍野。作兴有点朋友弗清爽该歇辰光格事体，格末只要看看今年零八年，一格月弗到道琼跌脱仔百分之十几，上证指数一日天里向要跌脱百分之六。当时辰光搭仔俚歇情景一式一样大跳水。高科技行业首当其冲，耐斯代克从最高点五千多点一路要跌到只有一千多点。数以亿兆计格账面资产人间蒸发。有种朋友实在是性命交关，蚀得来屋里也要弗认得。特别惨格是一种抢仔上市格小公司，冒出来格辰光恰如一夜春风来千树万树梨花开，阿壳张梨花一夜之间又变仔昙花呀。昙花一现马上谢脱，老板发放拨拉雇员格每人几千股期权（OPTION）统统变成一张废纸。弗可能像后来格古狗（GOOGLE）一上市，不去说两格创始人，连带每格创业阶段格员工个个一步登天变成仔千万富翁。

勒拉美国波士顿有一位蛮出名格网络女作家笔名叫做菊子，菊花格菊伲子格子——听上去有点像日本人模样，根据亲身经历写过一篇文章题目叫作“空荡荡的办公室”。里厢讲到蛮蛮好好一间大办公室，今早早浪向勒浪保安陪同下头走脱几个，明早下班辰光又拨拉回报脱几个。一日一日只看见人勒浪少下去。到最后就剩仔俚一个人，等勒浪收摊走人。想起来迪种情况倒蛮像《士兵突击》里厢钢七连撤编解散格光景。

所以说，勒浪迪能样子格一个当口，居然有一家公司要招聘高科技人员真赛过是寒冬腊月雪堆里开出一朵荷花来能介稀奇。

申请报名来应聘格人真格是弗弗少少，可以用一句成语来形容末——就是趋之若鹜。经过好几轮筛选，最后剩下来三格人。今早一早要由迪家公司格技术总监亲自来面试。一路浪向过关斩将弗容易啊，现在大家等勒浪最后一关通过仔末饭碗着讲好定心哉。

原来秘书安排关照好三格人来格辰光岔开点。啥人晓得大家统统提早到达，耐末三对六面耐也看见仔我我也看见仔耐。等勒浪技术主管办公室外面格起坐间三格人，大家肚皮里向有数格。假使讲只要一格人机会是三分之一，要两格人末机会是三分之二，三格人全要恐怕是空思空想哉。道格拉斯白朗宁，面孔墨黑，头发有点卷，圆头圆脑，假使到中国来跟仔尚长荣尚老学唱花脸末，演包公勾脸格辰光倒蛮省力。弗兰克卢卡斯，面孔雪白，深目隆准，手背浪向格毛蛮蛮长。约翰吴，面孔弗黑弗白香蕉颜色，人看上去比另外两位显得矮一点，为啥末，腰板有一点点挺大弗起。叫啥话道子齐巧黑白黄三个弗同格人种。

迪格三家头，秘书按照仔姓氏字母排列好一张名单搭仔各自格应聘材料老早摆好仔勒浪技术主管格大办公桌浪。中国人习惯是按姓氏笔画排列，此地则是按照字母排列。头一格名字是道格拉斯，姓白朗宁B打头，是个非裔，看得出混血仔好几代哉。勒浪马丁•路德•金发表著名演讲“我有一个梦”过脱仔四十多年后的今早格日脚，种族歧视仍然是美国社会中一个不容忽视的问题，尽管公开的歧视转变成为“隐形歧视”。啥格说法是隐性歧视呢？几年前，芝加哥大学商学院和麻省理工大学教授联合完成的一项研究发现，如果求职简历上的姓氏听起来像是白人，得到雇主回复机会比一个有非裔姓氏但资历相同的人高出百分之五十。再比如讲大学教授如果是少数民族或者是女性，申请国家研究基金格项目有得优先考虑。不过嘛，先弗要开心！华人根本就弗勒浪迪张少数民族格单子浪向。为啥呢？因为订出迪能一条规矩格辰光，大学教授里向是根本弗曾有歇华人格。既然单子浪向弗曾有嘛，只好对侬弗起哉。耐就眼看人家非裔优先吧。

现在迪格白朗宁倒是满大路格，弗是非裔姓氏比如欧巴马迪种就是肯尼亚姓氏。猜想起来白朗宁是混血儿，迪格勒浪美国是弗希奇格，本来就是移民国家嘛。第二格姓卢卡斯，L起头，滴滴刮刮格白人。第三格一看就是华人，迪格姓是周吴郑王格吴——WU。绝对弗会错格。近几年格情况已经好得多，老早仔碰着有种秘书懒惰或者就是歧视，接受应聘人简历表格汇总格辰光会得拿WXYZ统统CUT！为点啥呢？一来是嫌比烦二来末迪种姓氏白人弗大会有格。大家倒想想看，W吴武王汪X谢许徐邢Y叶言燕尤，拉末一个字母还要常见——赵张周朱可以排出一长串姓氏来。

　　
（说表）俚笃末勒浪外面等呀，里厢格主人比俚笃还要来得早！技术主管弗是介好当介，外头来应聘格人好像过关斩将蛮吃力煞，阿晓得进仔公司要爬到迪只位置好好叫比关云长过五关斩六将要难得多得多！

技术主管姓由，田字出头便是由。一听就晓得是华人，迪格姓好呀，真格出了头哉，怪弗得俚窜得介能格快法！由主管格英文名字叫杰夫，格格名字也好介！杰夫杰夫——杰出格男子汉大丈夫。连姓带名嘛，就是杰夫由——英文里向名字摆前头姓氏摆后头，叫做Last Name也就是Family Name。所以弗是由杰夫而是杰夫由。杰夫由原来格中文名字也好极——单名一格成功格成！摆勒一道由成由成，所以事业有成。

现在由成俚坐好仔大办公桌后面，已经拿三份材料统统看过一遍。材料浪向写得蛮好，到底是过五关斩六将一路闯过来格。从字面浪看得出来，三个人难分伯仲不见高下。按照次序关照秘书先请白朗宁先生进来。谈脱仔靠廿分钟模样，轮到下一位卢卡斯。办公室外面还勒浪等格约翰吴看好仔白朗宁出来满面春风，心里厢咯噔一记。假使讲卢卡斯等一歇跑出来也是春风满面，格是我格希望又要渺茫哉。

正勒浪俚胡思乱想格辰光，只听见卢卡斯格脚步声。同时末，女秘书喊一声：Mr. Wu，please！赶紧立起身来，走仔几步到办公室门口立定，定一定神推开房门踏仔进来。

里厢格朋友已经立起身来，满面笑容伸出一只右手要来招呼末，叫啥话道仔一只手停勒浪半空当中，满面格笑容顿时僵脱。刚刚进来格迪位人也会得呆脱格呀。杰夫由一见之下，大吃一惊。约翰吴一见之下，局促不安。

由成：耐弗是约翰吴，耐是吴伟！

吴伟：我是吴伟，现在英文格名字叫约翰吴。

（说表）阿是真正叫做夹忙头里碰着仔冤家对头拨俚气昏脱哉。自家填表格辰光也是叫杰夫由啊，公司里也弗曾会得有啥人来叫我由成。

（弹唱）由成吴伟对唱重唱轮唱——
由成：阿壳张——
吴伟：阿壳张——
由成：约翰吴就是当年那冤家对头原本叫吴伟，
吴伟：格主管便是当年那隔壁邻舍秦岭她旧爱；
由成：想弗到——
吴伟：想弗到——
由成：我的初恋被他夺，
吴伟：他的初恋与我配；
由成：今日里——
吴伟：今日里——
由成：我和他狭路相逢在北美，
吴伟：我和他狭路相逢招聘关；
由成：想当初——
吴伟：想当初——
由成：我与秦岭青梅竹马两小无猜，
吴伟：秦岭与我携手并肩在学生会；
由成：我和秦岭是紧相邻，
吴伟：秦岭和我是两相爱；
由成：我俩在小学中学一直是同班，
吴伟：我俩在深造路上一直共登攀；
由成：为只为——
吴伟：为只为——
由成：我七月流火名落孙山，
吴伟：我一见钟情将她来追；
由成：我在仪表工厂电气站，
吴伟：我在华东大学足球队；
由成：我是装装配电箱修修灯开关，
吴伟：我是孵孵实验室上上演讲台；
由成：我末分配做蓝领总归嫌推板，
吴伟：我末笃定会留校迟早要公派；
由成：秦家姆妈俚看见仔我，
吴伟：秦家姆妈俚看见仔我；
由成：她是横眉冷对不理睬，
吴伟：她是满面笑容来招待；
由成：一段好姻缘——
吴伟：一段好姻缘——
由成：终被命运活拆散，
吴伟：终随心愿结成对；
由成：怨只怨——云横秦岭人不再，
吴伟：怕就怕——雪拥蓝关步难抬。
由成：谁料想约翰吴便是从前那吴伟——
吴伟：难预料来应聘偏要唱一出奇双会？
由成：他明知有我在偏要插进来，
吴伟：她未曾来出嫁我不是第三者；
由成：往事岂能如云烟，
光阴荏苒似流水。
怎知道——
怎知道今日里冤家路狭鬼使神差？！
吴伟：往事岂能如云烟，
光阴荏苒似流水。
怎知道——
怎知道今日里冤家路狭鬼使神差？！
由成：此刻他落在我的手——
这一份工作想也弗要想。
吴伟：此刻我落在他的手——
这一份工作谈也不用谈。

（说表）由成心里厢原本对迪份简历有点疑仔疑惑，为啥体末，因为上海弗曾听见过歇履历表浪向写格两只大学。现在看见仔人末真相大白。再加上往事历历涌上心头——我搭仔吴太太秦岭原是对门邻舍，大家是独生子女。故歇辰光秦阿姨待我好是好得来真弗要谈起。伊拉屋里向，先是搬煤饼——（下手插白：烧煤球炉子格辰光），后来是拎煤气罐——（下手插白：用压缩煤气哉），统统是我格事体啊。到后来，秦岭俚是本科第一批发榜，我伲结果名落孙山。耐末，秦阿姨只面孔弗对哉。再拨拉俚吴伟一来兴，耐末秦岭搭我分道扬镳。

耐由成心里厢勒浪想往事末，吴伟格脑子里想也弗曾空勒浪。心里向想耐搭仔秦岭弗要说未曾结婚，连得订婚也弗曾有过歇。格末我勒浪迎接新生入学接待格辰光，看见仔秦岭一见钟情，追求俚也弗曾有啥格错处。为啥体每趟上门来勒浪公用格走廊厨房看见仔末，总归当我是第三者模样。弗管哪能，过去格事体总归过去哉。不过今朝碰着仔末，迪格求职末总归泡汤哉。辛辛苦苦通过仔好几道关，最后一道关肯定是拨俚拦牢弗放过门！

由成搭仔吴伟手末弗曾握，倒是仍旧打招呼——密斯特吴，Sit down,，please！认得末归认得，冤家末归冤家，场面浪向格绅士派头还是要走过场格。

等到吴伟勒浪由成格大办公桌前头坐定仔末，由成开口——

由成：言归正传，这份简历上只有你的英文名字，真想不到，约翰吴就是你吴伟！

吴伟：我也怎么会想到，招聘公司技术主管竟然是你由成！

由成：Call me杰夫，Please。不过你这学历也弗对啊，你看，沪江大学电子工程学士东方大学计算机硕士——所以嘛，无论如何也猜不出来会是你吴伟？！（旁白：我晓得耐是华东大学纺织系毕业格啊。）

吴伟：一言难尽——假使弗是本行本业有学历，我哪能会得过五关斩六将应约再次来面试？（旁白：老早拨拉人事部门格秘书拿简历丢勒拉垃圾桶里向去哉。）

由成：原来是迪能，格编造学历这也不去说它。但是这本行业工作经历，看来也掺水分，比方讲迪格一段——东亚食品公司计算机管理……。猜想起来，东亚食品公司大概是格种食品超市，阿是？

吴伟：实不相瞒，有关经历中只有最近格几项才是搭计算机行业相关……。

由成：既然迪能，公司高层必须严格把关，只好请你另谋高就。

吴伟：一见之下，早就料定会有此结果。告辞！

吴伟俚正要立起身来，由成抬起手来表示——耐搭我坐好，我还有话来！

由成看见仔吴伟身浪向穿格专用于面试的藏青色套装，白衬衣配一条图案过时的领带，格格领头袖口看得出来虽然挺括但是弗是啥格名牌。格是失业在家，境遇大高而不妙，格是秦岭格情况弗晓得阿好介？自从秦岭还弗曾毕业格辰光动迁工程一启动，秦阿姨爽气格，第一家签好字最早搬脱后来就弗曾碰到过歇。弗晓得秦岭现在哪哼？让我倒来问一问看。

由成：虽然我搭秦岭， 哦，就是吴太太老早就晤拨联系，（下手插白：高架建设动迁，原本格邻居有格搬莘庄有格搬顾村大家各奔前程）弗晓得现在俚格情况哪哼？（旁白：熬弗牢仔要关心关心。）

吴伟心里想俚笃总归是旧情人，舍弗得弗了解格。格末也无啥塌台，实言谈相。
（弹唱）
那一年我考试通过受公派，
秦岭她也相随离开上海滩。
小两口飘洋过海来北美，
原以为老天不负经纶才。
可叹是我纺纱来她织布，
夕阳工业早就是日薄西山气息奄奄，
就剩下南方科研所也已经人满为患！
无奈何啊无可奈，
无有出路勉为难。
我藏龙卧虎炉灶间，
（上手插白：格种情况弗希奇格，中国餐馆厨房间里向教授工程师有辰光真弗止一格两格。）
她东奔西跑忙招待。
（上手插白：当Waitress，跑堂。）
十几个钟点一整天，
只等老板出粮来。
（上手插白：出粮就是发工资格意思。）
站得我腰背酸疼两腿麻，
她还要面带微笑苦更累。
再加上——她，她，她，
（由成插话：她怎么样——）
她自然流产成习惯，
（旁白：我还记得蛮清爽事体格发生，俚端盘子格辰光地浪向一摊油脚下头一滑，三个月格投胎就此弗曾保牢。）
一而再再而三，
（由成旁白：格是像仔《新结婚时代》里格顾小西哉。）
接二连三身子亏。
身体亏——
只能告别中餐馆，
另谋出路从头来。
高科技一风吹，
千军万马，
万马千军，
都挤在那独木桥上徘徊挣扎挣扎徘徊，
为的是拿了办班证书，
好踏进那一个高门槛。
（由成旁白：情况确实，像我有一格朋友原本学格是中医，另外一个朋友专业学格是炼钢——就是上海市前任格市长徐匡迪格专业，俚耐北京钢铁学院毕业，——改行大潮下面大家涌到计算机行业。）
到如今——
泡沫经济已破碎，
纳斯代克大跳水。
裁员先将我俩砍，
苦海无边余悲哀。
局势不见有好转，
全靠那临时救济度日如年夜不能寐！
（由成旁白：裁员好领廿六个礼拜失业救济金。）
我编造履历为过关，
若是吉星高照便能有一个OFFER来！
我确实急需寻工作，
房屋贷款不容缓，
保险费用紧相追。
待业在家两口子，
桩桩件件，件件桩桩都得要安排。

（说表）由成听吴伟俚一口气讲完末，心里厢十分难过。恻隐之心，人皆有之。何况大家是中国人，再何况秦岭是自家从小格淘伴，一淘长大又有过一番感情。看得出来，俚格境遇弗好。相比之前头进来格两位，西装皮鞋弗及别人挺括。领带花样老早过时，搭配也有点弗够协调。再看俚白衬衫格领头袖口，一看就晓得并弗是啥名牌产品，只不过是中档货色。格末，俚格境遇弗好嘛，秦岭个境遇也是一样弗好哉。
（弹唱）
听他凄凉话一番——
铁石人儿也洒泪！
同为天涯飘流人，
同是炎黄后生辈。
体会他内有隐情可谅解，
惦念她在家两眼望穿将他盼——
盼他面试有结果，
盼他带得喜讯归。
岂不闻贫贱夫妻百事哀，
吴伟他的境遇惨，
秦岭她的日子悲。
但愿他一技之长能发挥，
但愿她生活安定更和美。
往日情谊理应埋心底，
往日怨艾不必记心怀。
何况我——
（插白：我也是像《珍珠塔》里格方卿一样受到仔激励格——）
那时候我被抛弃，
秦阿姨看轻我内心只是觉自惭；
人情世态冷眼看，
秦阿姨善待他让我实在感羞愧。
立志奋发急起追，
争一口气也定要展翅飞。
自学考试到复旦，
专科升本在徐汇。
跨国公司受锻炼，
像他们——
万里迢迢漂洋来过海。
闯关斩将经磨难，
前年刚刚读完麻省理工MBA。
今日里——
不期而遇奇双会，
应聘由我来主裁。
说什么国人最爱窝里斗，
讲什么国人难以求和谐。
能相帮处得相帮，
能抬手时把手抬。
无权可用莫奈何，
有权不用要后悔。
我看他程序语言算得上称职熟练，
何妨就网开一面将他招进来！
（说表）由成拿仔吴伟格简历再翻仔一翻，（对吴伟讲：）侬说侬会C++，JAVA，还有有限元等等，迪能许多证书侬统统都有？！

吴伟：这些证书不光我有，秦岭她也有。我俩都是一起进班一起考试拿格证书。

由成：前两轮筛选，现场作业演示都做过了……？

吴伟：统统一次性通过，否则也不会叫我来你迪格技术主管办公室……。

由成：好！
（弹唱）
计算机语言重实战，
拥有证书其实是弗推板。
（说表：学历文凭勒浪语言迪能一格行当里向其实扯淡。最最好笑格例子是电脑游戏专业，据说老师要更转倒过来问俚笃学生仔去请教，哪哼巧妙设置机关。就是打升级中年教师也斗弗过青年学生。）
现在我当场来拍板，
下周一你就到人事部门报到来。
希望你不负我对你严把关，
期望你阖家生活安定上正轨。
吴伟你一展身手显能耐，
秦岭她身体康健笑颜开。
（对吴伟讲：）可惜本公司有明文规定，夫妻俩人不能在同一部门工作。如果她身体条件容许，以后有机会我会想法介绍几个行业中人给你们认识。在家里接点项目做个顾问，除开自己报税交税买保险，一点也不比早出晚归公司上班差。

吴伟一听之下，耐末响弗落，一格人会得呆脱。心里向好似黄浦江潮起伏不平。
（弹唱）
我只道狭路相逢冤家路窄，
想不到公司大门为我敞开。
想不到他不计前嫌来照应，
想不到他以德报怨让我来过关。
感激在心言难表——
报到之后定会来发挥，
手到擒来捉Bug，
不辱使命把程序排！
（对仔由成）谢谢你，杰夫！

（说表）由成走上前来搭吴伟两家头紧紧握手。

短篇奇双会到此结束，请听下档。
_________________
是非是，我非我。

敬请光临我在北美枫的博客飞云浦

也请关注我的新浪博客
http://blog.sina.com.cn/u/1740799031

[[Bob]]

短篇评弹脚本《奇双会》系根据剧作者小戏剧本《狭路相逢》改编而成。


故事发生地点：北美某大公司技术部门主管办公室内外
时间：高科技行业“泡沫”破裂期间


主要人物：

由成，英文名字是杰夫，中年，北美某公司技术部门主管
吴伟，英文名字是约翰，中年，前来应聘的待业人士。吴太太秦岭即是由成在国内时的初恋情人

演出时建议上手起由成脚色，下手起吴伟脚色。


（说表）短篇奇双会里向两格脚色狭路相逢格辰光发生勒浪高科技泡沫破裂格时期。大家还记得弗记得？格格当口真是惨啊，华尔街股市哀鸿遍野。作兴有点朋友弗清爽该歇辰光格事体，格末只要看看今年零八年，一格月弗到道琼跌脱仔百分之十几，上证指数一日天里向要跌脱百分之六。当时辰光搭仔俚歇情景一式一样大跳水。高科技行业首当其冲，耐斯代克从最高点五千多点一路要跌到只有一千多点。数以亿兆计格账面资产人间蒸发。有种朋友实在是性命交关，蚀得来屋里也要弗认得。特别惨格是一种抢仔上市格小公司，冒出来格辰光恰如一夜春风来千树万树梨花开，阿壳张梨花一夜之间又变仔昙花呀。昙花一现马上谢脱，老板发放拨拉雇员格每人几千股期权（OPTION）统统变成一张废纸。弗可能像后来格古狗（GOOGLE）一上市，不去说两格创始人，连带每格创业阶段格员工个个一步登天变成仔千万富翁。

勒拉美国波士顿有一位蛮出名格网络女作家笔名叫做菊子，菊花格菊伲子格子——听上去有点像日本人模样，根据亲身经历写过一篇文章题目叫作“空荡荡的办公室”。里厢讲到蛮蛮好好一间大办公室，今早早浪向勒浪保安陪同下头走脱几个，明早下班辰光又拨拉回报脱几个。一日一日只看见人勒浪少下去。到最后就剩仔俚一个人，等勒浪收摊走人。想起来迪种情况倒蛮像《士兵突击》里厢钢七连撤编解散格光景。

所以说，勒浪迪能样子格一个当口，居然有一家公司要招聘高科技人员真赛过是寒冬腊月雪堆里开出一朵荷花来能介稀奇。

申请报名来应聘格人真格是弗弗少少，可以用一句成语来形容末——就是趋之若鹜。经过好几轮筛选，最后剩下来三格人。今早一早要由迪家公司格技术总监亲自来面试。一路浪向过关斩将弗容易啊，现在大家等勒浪最后一关通过仔末饭碗着讲好定心哉。

原来秘书安排关照好三格人来格辰光岔开点。啥人晓得大家统统提早到达，耐末三对六面耐也看见仔我我也看见仔耐。等勒浪技术主管办公室外面格起坐间三格人，大家肚皮里向有数格。假使讲只要一格人机会是三分之一，要两格人末机会是三分之二，三格人全要恐怕是空思空想哉。道格拉斯白朗宁，面孔墨黑，头发有点卷，圆头圆脑，假使到中国来跟仔尚长荣尚老学唱花脸末，演包公勾脸格辰光倒蛮省力。弗兰克卢卡斯，面孔雪白，深目隆准，手背浪向格毛蛮蛮长。约翰吴，面孔弗黑弗白香蕉颜色，人看上去比另外两位显得矮一点，为啥末，腰板有一点点挺大弗起。叫啥话道子齐巧黑白黄三个弗同格人种。

迪格三家头，秘书按照仔姓氏字母排列好一张名单搭仔各自格应聘材料老早摆好仔勒浪技术主管格大办公桌浪。中国人习惯是按姓氏笔画排列，此地则是按照字母排列。头一格名字是道格拉斯，姓白朗宁B打头，是个非裔，看得出混血仔好几代哉。勒浪马丁•路德•金发表著名演讲“我有一个梦”过脱仔四十多年后的今早格日脚，种族歧视仍然是美国社会中一个不容忽视的问题，尽管公开的歧视转变成为“隐形歧视”。啥格说法是隐性歧视呢？几年前，芝加哥大学商学院和麻省理工大学教授联合完成的一项研究发现，如果求职简历上的姓氏听起来像是白人，得到雇主回复机会比一个有非裔姓氏但资历相同的人高出百分之五十。再比如讲大学教授如果是少数民族或者是女性，申请国家研究基金格项目有得优先考虑。不过嘛，先弗要开心！华人根本就弗勒浪迪张少数民族格单子浪向。为啥呢？因为订出迪能一条规矩格辰光，大学教授里向是根本弗曾有歇华人格。既然单子浪向弗曾有嘛，只好对侬弗起哉。耐就眼看人家非裔优先吧。

现在迪格白朗宁倒是满大路格，弗是非裔姓氏比如欧巴马迪种就是肯尼亚姓氏。猜想起来白朗宁是混血儿，迪格勒浪美国是弗希奇格，本来就是移民国家嘛。第二格姓卢卡斯，L起头，滴滴刮刮格白人。第三格一看就是华人，迪格姓是周吴郑王格吴——WU。绝对弗会错格。近几年格情况已经好得多，老早仔碰着有种秘书懒惰或者就是歧视，接受应聘人简历表格汇总格辰光会得拿WXYZ统统CUT！为点啥呢？一来是嫌比烦二来末迪种姓氏白人弗大会有格。大家倒想想看，W吴武王汪X谢许徐邢Y叶言燕尤，拉末一个字母还要常见——赵张周朱可以排出一长串姓氏来。

　　
（说表）俚笃末勒浪外面等呀，里厢格主人比俚笃还要来得早！技术主管弗是介好当介，外头来应聘格人好像过关斩将蛮吃力煞，阿晓得进仔公司要爬到迪只位置好好叫比关云长过五关斩六将要难得多得多！

技术主管姓由，田字出头便是由。一听就晓得是华人，迪格姓好呀，真格出了头哉，怪弗得俚窜得介能格快法！由主管格英文名字叫杰夫，格格名字也好介！杰夫杰夫——杰出格男子汉大丈夫。连姓带名嘛，就是杰夫由——英文里向名字摆前头姓氏摆后头，叫做Last Name也就是Family Name。所以弗是由杰夫而是杰夫由。杰夫由原来格中文名字也好极——单名一格成功格成！摆勒一道由成由成，所以事业有成。

现在由成俚坐好仔大办公桌后面，已经拿三份材料统统看过一遍。材料浪向写得蛮好，到底是过五关斩六将一路闯过来格。从字面浪看得出来，三个人难分伯仲不见高下。按照次序关照秘书先请白朗宁先生进来。谈脱仔靠廿分钟模样，轮到下一位卢卡斯。办公室外面还勒浪等格约翰吴看好仔白朗宁出来满面春风，心里厢咯噔一记。假使讲卢卡斯等一歇跑出来也是春风满面，格是我格希望又要渺茫哉。

正勒浪俚胡思乱想格辰光，只听见卢卡斯格脚步声。同时末，女秘书喊一声：Mr. Wu，please！赶紧立起身来，走仔几步到办公室门口立定，定一定神推开房门踏仔进来。

里厢格朋友已经立起身来，满面笑容伸出一只右手要来招呼末，叫啥话道仔一只手停勒浪半空当中，满面格笑容顿时僵脱。刚刚进来格迪位人也会得呆脱格呀。杰夫由一见之下，大吃一惊。约翰吴一见之下，局促不安。

由成：耐弗是约翰吴，耐是吴伟！

吴伟：我是吴伟，现在英文格名字叫约翰吴。

（说表）阿是真正叫做夹忙头里碰着仔冤家对头拨俚气昏脱哉。自家填表格辰光也是叫杰夫由啊，公司里也弗曾会得有啥人来叫我由成。

（弹唱）由成吴伟对唱重唱轮唱——
由成：阿壳张——
吴伟：阿壳张——
由成：约翰吴就是当年那冤家对头原本叫吴伟，
吴伟：格主管便是当年那隔壁邻舍秦岭她旧爱；
由成：想弗到——
吴伟：想弗到——
由成：我的初恋被他夺，
吴伟：他的初恋与我配；
由成：今日里——
吴伟：今日里——
由成：我和他狭路相逢在北美，
吴伟：我和他狭路相逢招聘关；
由成：想当初——
吴伟：想当初——
由成：我与秦岭青梅竹马两小无猜，
吴伟：秦岭与我携手并肩在学生会；
由成：我和秦岭是紧相邻，
吴伟：秦岭和我是两相爱；
由成：我俩在小学中学一直是同班，
吴伟：我俩在深造路上一直共登攀；
由成：为只为——
吴伟：为只为——
由成：我七月流火名落孙山，
吴伟：我一见钟情将她来追；
由成：我在仪表工厂电气站，
吴伟：我在华东大学足球队；
由成：我是装装配电箱修修灯开关，
吴伟：我是孵孵实验室上上演讲台；
由成：我末分配做蓝领总归嫌推板，
吴伟：我末笃定会留校迟早要公派；
由成：秦家姆妈俚看见仔我，
吴伟：秦家姆妈俚看见仔我；
由成：她是横眉冷对不理睬，
吴伟：她是满面笑容来招待；
由成：一段好姻缘——
吴伟：一段好姻缘——
由成：终被命运活拆散，
吴伟：终随心愿结成对；
由成：怨只怨——云横秦岭人不再，
吴伟：怕就怕——雪拥蓝关步难抬。
由成：谁料想约翰吴便是从前那吴伟——
吴伟：难预料来应聘偏要唱一出奇双会？
由成：他明知有我在偏要插进来，
吴伟：她未曾来出嫁我不是第三者；
由成：往事岂能如云烟，
光阴荏苒似流水。
怎知道——
怎知道今日里冤家路狭鬼使神差？！
吴伟：往事岂能如云烟，
光阴荏苒似流水。
怎知道——
怎知道今日里冤家路狭鬼使神差？！
由成：此刻他落在我的手——
这一份工作想也弗要想。
吴伟：此刻我落在他的手——
这一份工作谈也不用谈。

（说表）由成心里厢原本对迪份简历有点疑仔疑惑，为啥体末，因为上海弗曾听见过歇履历表浪向写格两只大学。现在看见仔人末真相大白。再加上往事历历涌上心头——我搭仔吴太太秦岭原是对门邻舍，大家是独生子女。故歇辰光秦阿姨待我好是好得来真弗要谈起。伊拉屋里向，先是搬煤饼——（下手插白：烧煤球炉子格辰光），后来是拎煤气罐——（下手插白：用压缩煤气哉），统统是我格事体啊。到后来，秦岭俚是本科第一批发榜，我伲结果名落孙山。耐末，秦阿姨只面孔弗对哉。再拨拉俚吴伟一来兴，耐末秦岭搭我分道扬镳。

耐由成心里厢勒浪想往事末，吴伟格脑子里想也弗曾空勒浪。心里向想耐搭仔秦岭弗要说未曾结婚，连得订婚也弗曾有过歇。格末我勒浪迎接新生入学接待格辰光，看见仔秦岭一见钟情，追求俚也弗曾有啥格错处。为啥体每趟上门来勒浪公用格走廊厨房看见仔末，总归当我是第三者模样。弗管哪能，过去格事体总归过去哉。不过今朝碰着仔末，迪格求职末总归泡汤哉。辛辛苦苦通过仔好几道关，最后一道关肯定是拨俚拦牢弗放过门！

由成搭仔吴伟手末弗曾握，倒是仍旧打招呼——密斯特吴，Sit down,，please！认得末归认得，冤家末归冤家，场面浪向格绅士派头还是要走过场格。

等到吴伟勒浪由成格大办公桌前头坐定仔末，由成开口——

由成：言归正传，这份简历上只有你的英文名字，真想不到，约翰吴就是你吴伟！

吴伟：我也怎么会想到，招聘公司技术主管竟然是你由成！

由成：Call me杰夫，Please。不过你这学历也弗对啊，你看，沪江大学电子工程学士东方大学计算机硕士——所以嘛，无论如何也猜不出来会是你吴伟？！（旁白：我晓得耐是华东大学纺织系毕业格啊。）

吴伟：一言难尽——假使弗是本行本业有学历，我哪能会得过五关斩六将应约再次来面试？（旁白：老早拨拉人事部门格秘书拿简历丢勒拉垃圾桶里向去哉。）

由成：原来是迪能，格编造学历这也不去说它。但是这本行业工作经历，看来也掺水分，比方讲迪格一段——东亚食品公司计算机管理……。猜想起来，东亚食品公司大概是格种食品超市，阿是？

吴伟：实不相瞒，有关经历中只有最近格几项才是搭计算机行业相关……。

由成：既然迪能，公司高层必须严格把关，只好请你另谋高就。

吴伟：一见之下，早就料定会有此结果。告辞！

吴伟俚正要立起身来，由成抬起手来表示——耐搭我坐好，我还有话来！

由成看见仔吴伟身浪向穿格专用于面试的藏青色套装，白衬衣配一条图案过时的领带，格格领头袖口看得出来虽然挺括但是弗是啥格名牌。格是失业在家，境遇大高而不妙，格是秦岭格情况弗晓得阿好介？自从秦岭还弗曾毕业格辰光动迁工程一启动，秦阿姨爽气格，第一家签好字最早搬脱后来就弗曾碰到过歇。弗晓得秦岭现在哪哼？让我倒来问一问看。

由成：虽然我搭秦岭， 哦，就是吴太太老早就晤拨联系，（下手插白：高架建设动迁，原本格邻居有格搬莘庄有格搬顾村大家各奔前程）弗晓得现在俚格情况哪哼？（旁白：熬弗牢仔要关心关心。）

吴伟心里想俚笃总归是旧情人，舍弗得弗了解格。格末也无啥塌台，实言谈相。
（弹唱）
那一年我考试通过受公派，
秦岭她也相随离开上海滩。
小两口飘洋过海来北美，
原以为老天不负经纶才。
可叹是我纺纱来她织布，
夕阳工业早就是日薄西山气息奄奄，
就剩下南方科研所也已经人满为患！
无奈何啊无可奈，
无有出路勉为难。
我藏龙卧虎炉灶间，
（上手插白：格种情况弗希奇格，中国餐馆厨房间里向教授工程师有辰光真弗止一格两格。）
她东奔西跑忙招待。
（上手插白：当Waitress，跑堂。）
十几个钟点一整天，
只等老板出粮来。
（上手插白：出粮就是发工资格意思。）
站得我腰背酸疼两腿麻，
她还要面带微笑苦更累。
再加上——她，她，她，
（由成插话：她怎么样——）
她自然流产成习惯，
（旁白：我还记得蛮清爽事体格发生，俚端盘子格辰光地浪向一摊油脚下头一滑，三个月格投胎就此弗曾保牢。）
一而再再而三，
（由成旁白：格是像仔《新结婚时代》里格顾小西哉。）
接二连三身子亏。
身体亏——
只能告别中餐馆，
另谋出路从头来。
高科技一风吹，
千军万马，
万马千军，
都挤在那独木桥上徘徊挣扎挣扎徘徊，
为的是拿了办班证书，
好踏进那一个高门槛。
（由成旁白：情况确实，像我有一格朋友原本学格是中医，另外一个朋友专业学格是炼钢——就是上海市前任格市长徐匡迪格专业，俚耐北京钢铁学院毕业，——改行大潮下面大家涌到计算机行业。）
到如今——
泡沫经济已破碎，
纳斯代克大跳水。
裁员先将我俩砍，
苦海无边余悲哀。
局势不见有好转，
全靠那临时救济度日如年夜不能寐！
（由成旁白：裁员好领廿六个礼拜失业救济金。）
我编造履历为过关，
若是吉星高照便能有一个OFFER来！
我确实急需寻工作，
房屋贷款不容缓，
保险费用紧相追。
待业在家两口子，
桩桩件件，件件桩桩都得要安排。

（说表）由成听吴伟俚一口气讲完末，心里厢十分难过。恻隐之心，人皆有之。何况大家是中国人，再何况秦岭是自家从小格淘伴，一淘长大又有过一番感情。看得出来，俚格境遇弗好。相比之前头进来格两位，西装皮鞋弗及别人挺括。领带花样老早过时，搭配也有点弗够协调。再看俚白衬衫格领头袖口，一看就晓得并弗是啥名牌产品，只不过是中档货色。格末，俚格境遇弗好嘛，秦岭个境遇也是一样弗好哉。
（弹唱）
听他凄凉话一番——
铁石人儿也洒泪！
同为天涯飘流人，
同是炎黄后生辈。
体会他内有隐情可谅解，
惦念她在家两眼望穿将他盼——
盼他面试有结果，
盼他带得喜讯归。
岂不闻贫贱夫妻百事哀，
吴伟他的境遇惨，
秦岭她的日子悲。
但愿他一技之长能发挥，
但愿她生活安定更和美。
往日情谊理应埋心底，
往日怨艾不必记心怀。
何况我——
（插白：我也是像《珍珠塔》里格方卿一样受到仔激励格——）
那时候我被抛弃，
秦阿姨看轻我内心只是觉自惭；
人情世态冷眼看，
秦阿姨善待他让我实在感羞愧。
立志奋发急起追，
争一口气也定要展翅飞。
自学考试到复旦，
专科升本在徐汇。
跨国公司受锻炼，
像他们——
万里迢迢漂洋来过海。
闯关斩将经磨难，
前年刚刚读完麻省理工MBA。
今日里——
不期而遇奇双会，
应聘由我来主裁。
说什么国人最爱窝里斗，
讲什么国人难以求和谐。
能相帮处得相帮，
能抬手时把手抬。
无权可用莫奈何，
有权不用要后悔。
我看他程序语言算得上称职熟练，
何妨就网开一面将他招进来！
（说表）由成拿仔吴伟格简历再翻仔一翻，（对吴伟讲：）侬说侬会C++，JAVA，还有有限元等等，迪能许多证书侬统统都有？！

吴伟：这些证书不光我有，秦岭她也有。我俩都是一起进班一起考试拿格证书。

由成：前两轮筛选，现场作业演示都做过了……？

吴伟：统统一次性通过，否则也不会叫我来你迪格技术主管办公室……。

由成：好！
（弹唱）
计算机语言重实战，
拥有证书其实是弗推板。
（说表：学历文凭勒浪语言迪能一格行当里向其实扯淡。最最好笑格例子是电脑游戏专业，据说老师要更转倒过来问俚笃学生仔去请教，哪哼巧妙设置机关。就是打升级中年教师也斗弗过青年学生。）
现在我当场来拍板，
下周一你就到人事部门报到来。
希望你不负我对你严把关，
期望你阖家生活安定上正轨。
吴伟你一展身手显能耐，
秦岭她身体康健笑颜开。
（对吴伟讲：）可惜本公司有明文规定，夫妻俩人不能在同一部门工作。如果她身体条件容许，以后有机会我会想法介绍几个行业中人给你们认识。在家里接点项目做个顾问，除开自己报税交税买保险，一点也不比早出晚归公司上班差。

吴伟一听之下，耐末响弗落，一格人会得呆脱。心里向好似黄浦江潮起伏不平。
（弹唱）
我只道狭路相逢冤家路窄，
想不到公司大门为我敞开。
想不到他不计前嫌来照应，
想不到他以德报怨让我来过关。
感激在心言难表——
报到之后定会来发挥，
手到擒来捉Bug，
不辱使命把程序排！
（对仔由成）谢谢你，杰夫！

（说表）由成走上前来搭吴伟两家头紧紧握手。

短篇奇双会到此结束，请听下档。
_________________
是非是，我非我。

敬请光临我在北美枫的博客飞云浦

也请关注我的新浪博客
http://blog.sina.com.cn/u/1740799031

[熏衣草]

春节好...

高科技行业“泡沫”破裂期间


有意思的故事

[[我还没有昵称]]

春节好...

高科技行业“泡沫”破裂期间


有意思的故事

[主持]

春节好..., 熏衣草.
_________________
是非是，我非我。

敬请光临我在北美枫的博客飞云浦

也请关注我的新浪博客
http://blog.sina.com.cn/u/1740799031

[[Bob]]

春节好..., 熏衣草.
_________________
是非是，我非我。

敬请光临我在北美枫的博客飞云浦

也请关注我的新浪博客
http://blog.sina.com.cn/u/1740799031

[swan.eagle]

有点意思。
元宵节快乐！
_________________
作品集 http://www.coviews.com/viewtopic.php?p=174481
诗集 http://www.coviews.com/viewtopic.php?p=174480
《勃朗宁夫人抒情十四行诗》http://coviews.com/viewtopic.php?p=277439#277439
在诗歌领域，没有哪一样能像童话，包容无限。

[[shinegirl]]

有点意思。
元宵节快乐！
_________________
作品集 http://www.coviews.com/viewtopic.php?p=174481
诗集 http://www.coviews.com/viewtopic.php?p=174480
《勃朗宁夫人抒情十四行诗》http://coviews.com/viewtopic.php?p=277439#277439
在诗歌领域，没有哪一样能像童话，包容无限。

[晓鸣]

好故事。方言多了些，外地人读起来难。

[[自己的敌人]]

好故事。方言多了些，外地人读起来难。